姜大卫幽默回应「周杰伦系私生子」传闻搞到阿仔姜卓文要道歉？

电影《无毒2》周三（28日）举行的首映礼，有份演出的姜卓文（细John）西装骨骨出席，更获爸爸姜大卫（John哥）及妈妈李琳琳亲身撑场，问起囝囝的表现，John哥就话要睇过先知：「或者好过我呢！」其实早在今年年初，二人已经以父子档一起拍广告，不过John哥对囝囝表现评价得十分有Sense：「OK啦，加埋我就100分！我哋两个每人50分。」问起细John在演戏前有否找爸爸过返两招，他就带点撒娇的语气道：「佢唔肯分享啲秘密畀我知！」John哥随即解释：「应该交返畀导演编剧话畀佢听要啲乜，要渠自己去磨炼。」 尔冬升早前说：「我怀疑过周杰伦是哥哥姜大卫的私生子！」，更因此翻查了周杰伦的出生日期，掀起热烈讨论！被指年轻时与周杰伦相像的John哥就表示早有听闻：「好多人都咁讲！我谂系啲相慨角度似？」John哥仲话囝囝同周杰伦更似！至于私生子一说，John哥亦幽默回应：「我都不知几希望！如果渠系我私生子使乜做？而家已经退咗休喇！」在旁的细John随即saysorry，John哥续言：「渠有呢个大佬都唔使做啦！」不过细John都有过「如果周杰伦系我哥哥？」这个幻想：「我一定会叫渠教我唱歌、弹琴！」