黄翠如唐诗咏Staycation孖住晒泳照萧正楠：着返件羽绒游啦

踏入10月尾天气终于凉返少少，廿几度清风送爽相当舒适。10月23日系黄翠如39岁生日，好姐妹唐诗咏陪渠到六星级酒店STAYCATION庆祝，孖住畅泳罕有晒出泳照，不过就被萧正楠公开窒老婆，咩事咁大胆？ 翠如同唐诗咏分别贴出2张池畔靓相，一张系正常泳衣另一张居然换上长袖潜水衣﹗翠如笑言：「穿上正常泳衣不到十分钟，我和这位小姐，马上穿回潜水式长袖泳衣去秋泳。就是怕冻，就是当不了网红。」老公萧正楠不禁回应：「着咁少实冻啦！水冻就着返件羽绒游啦。」而唐诗咏就话呢个旅程好后悔：「点解我会咁慨样，因为有人同我讲唔冻，点知............原本打算离开我三个小朋友可以好好瞓一晚，点知.........呢个女人一直系到问问题，系迷迷糊糊的状态下，唔知道讲咗啲咩俾佢听，好后悔呀。」