苑琼丹自认可爱多人追对付男人招数多：Set个陷阱等你嚟追我

由苑琼丹主持的香港开电视节目《开工大吉77》每集都会请来全中好友担任嘉宾，日前曹查理、吴沅仪、刘锡贤作客最后一集节目接受访问，苑仔笑言按传统以「BBQ」送别节目，回顾拍摄期间遇上疫情，她坦言过程不易：「因为呢段时间我哋都要戴口罩，又有限聚令等等，要搵嘉宾、场地都唔容易慨！同成班Crew好似『打大佬』咁，过完一关又一关！呢日我畀机会班老友访问自己，都预咗曹查理把口衰，但见佢咁得闲咪约吓渠啰。」 而曹查理在访问中就率先抢问苑仔与林正英的一段情，好奇两人是如何发展的，而苑仔就笑言两人是拍戏相识：「对住曹查理咪老古董，因为佢唔够得意嘛，我系卖可爱，男人真系唔好同我倾多两句，实死冇生呀！我呢行出咗名多人追，好多行外男友，唔使讲㗎喇，我通常Set个陷阱畀你，等你行埋嚟追我。」相当高招！ 除了被曹查理「逼问」之外，吴沅仪亦要苑仔自爆圈中仇家，她笑称收人钱财、受气是应份，无意与人结怨：「我担心收唔到钱多过有冇仇口，如果钱少又受气，梗系唔拍啦！但如果正常酬劳，当俾鬼砸照做啰。有啲年纪大过你又唔睇剧本，唔通打渠咩？我呢行冇敌人，即使唔钟意边个都要拍埋渠，因为冇交流会影响发挥，最多事后先笃你！」 而刘锡贤就大爆苑仔投资有道，更是圈中富婆，苑仔就笑言为生活要储钱：「我哋呢行太被动，好天斩埋落雨柴先有安全感，好似呢个节目咁话唔做就唔做，咁就冇收入啰。有得搵就搵啰，唔通日日约人打牌咩？打得多都会闷！」